無綫行政主席邵逸夫爵士（六叔）和太太方逸華前晚在尖沙嘴出席無綫長期服務暨傑出員工榮譽大獎頒獎典禮晚宴，兩人手拖手到場晒恩愛。
對於有報道指六叔夫婦近日與兒子邵維銘相約吃飯，方小姐即說：「食飯有乜咁驚喜。」兩父子同枱吃飯，令接近30年的冰封關係有破冰之迹象，方小姐對此說：「係你哋講，我冇講過。我哋一向關係好好，佢（邵維銘）每次喺新加坡返嚟都會約食飯。」有指邵維銘有機會做六叔的繼承人，方小姐說：「作出嚟㗎，邊個講問番邊個，係你哋講，我都唔知。」
此外，余慕蓮、駱應鈞和李家鼎獲頒30年長期服務獎，余慕蓮透露有意退休，她說：「近年公司都冇乜戲畀我做，都係執吓垃圾同掃吓地，不如留番啲時間畀自己享受吓人生。」
採訪：卓寶花 攝影：陳俊強