身為洗髮水品牌代言人的周慧敏（Vivian），昨日在尖沙嘴出席「頭髮健康與社會心理」意見調查記者會，大會找來10位曾試用該產品的女子亮相，其中一位更是小妹妹。但就現場所見，幾位女士的髮質似乎比代言人Vivian好。
結婚拒擺酒
雖然如此，Vivian仍樂於暢談護髮心得，她說：「我天生係鬈髮，細細個時啲大人話我得意，其實好煩惱，中學時期都係短頭髮，試過聽人講用雞蛋敷頭髮，可以冇咁鬈，試完個感覺好惡心。入行後有髮型師同我講，留長頭髮易打理，先識得點去護理頭髮，𠵱家都幾滿意。」Vivian透露完成這次宣傳活動後，會暫停工作一個月，她說：「今年拍咗好多廣告，意外殺出個演唱會，工作量爆晒燈，又要成日飛去東南亞宣傳，冇停過，所以12月唔會接嘢做，全力休息。」
此外，Vivian昨日出席好友李克勤的婚宴，她說：「我驚送禮物唔啱用，所以折現實際好多，我會默默支持克勤每一個人生階段，見到克勤咁辛苦，如果我結婚一定唔會擺酒。」
採訪：魯萍
攝影：陳順禎
