《Uwants討論區》內，有網友見今年港股屢創新高，相信投資股票會有不錯斬獲，就問大家今年嘅股票投資回報有幾多，立即引來熱烈討論。網友kenwow話：「我今年投資約12萬元，一共賺咗4萬元，都算唔錯。」
網友ecytang88亦稱：「投資回報都有30%，合乎自己嘅預期，相當不俗。」更有網友指，若計入股息，投資回報可高達60%。
睇番高投資回報嘅箇中原因，主要係靠新股熱潮、近期升浪及趁低位買入大藍籌所致。網友popclub笑言：「招行（3968）9月底上市，10.6元至11.2元狂掃貨，3個月內利潤有近45%。」
網友kcng2001亦因近幾個月港股升勢所刺激，估計其投資組合累積升幅約有30%。而網友sunstron就話：「全年只係做過4次交易，包括趁低吸納思捷（330）等大藍籌，雖然錯過中資銀行保險股升浪，但投資回報都不俗。」