現今球迷真的不愁寂寞，反而要大歎忙碌，因本周中英超加開快車，再加上足協盃同時燃起戰火，各位波友，又要多捱兩晚了。
今日一口氣推介3場英超賽事給大家作為過關選擇。首選倫敦打吡戰，由富咸對阿仙奴。主隊富咸今年成績看似大躍進，但細心觀察，其所贏對手全為榜末分子，賽程上屬先甜後苦格，今屆是否毋須打護級，實屬言之過早。阿仙奴已落後榜首宿敵曼聯13分，要問鼎錦標，往後再無失分空間。上場敗於保頓並不代表球隊處於低潮，故今場面對後防不穩的富咸，3分應可袋袋平安。
維拉鬥曼城取「細」
另一心水之選為阿士東維拉對曼城。主隊近期繼續穩定本色，極少敗陣，稍嫌進攻火力欠銳，因而難以大勝對手。客隊曼城已連續3場作客敗北兼未有入球，今晚亦難望有翻身演出。維拉主勝雖應問題不大，但我寧選更穩的：入球「細」。
周中怎可能不預曼聯一份？周日大戰車仔演出極高水準，明晚迎戰近況一般的愛華頓，主勝信心十足。
強 尼
有線球彩台主持
電郵：[email protected]