陳志雲（中）噚日喺浸會大學出席「拉闊志雲飯局」活動，同一班學生分享人生體驗。提到由佢主持嘅《志雲飯局》因為問題夠尖銳，一針見血，所以口碑幾好。問陳志雲有冇諗過要向邊位嘉賓講對唔住？佢就話：「答應做嘉賓嘅人要有心理準備接受我嘅問題。」至於印象最深刻嘅嘉賓，佢就話係黎智英：「我覺得黎智英好爽快，回答問題冇閃避，而陳慧琳就好可愛。」佢仲話希望《志雲飯局》可以做到39集。