呢個星期有啲怪怪哋，周中嘅第15輪英超，對所有強隊來講可謂有苦自己知，賽程多到有啲離譜，以「紅魔鬼」曼聯為例，周日剛剛在榜首大戰硬拼完車路士，明晚又要對實力有番咁上下嘅愛華頓，之後，周六北上作客對米杜士堡；跟住下周中的歐冠盃最後一輪分組賽，就要主場對賓菲加，再之後仲要喺同市打吡戰惡鬥曼城。
紅魔士氣高昂
以曼聯目前嘅班底，要喺14日內踢5場波，當中幾場還是「硬仗」，絕對唔係容易嘅事，如果個別主力唔好彩傷埋，更可能影響球隊爭標機會，希望佢哋能夠順利捱過這個地獄賽程！
講開曼聯，周日雖然剛剛被車仔迫和，但係踢得好好，今次主場對愛華頓，往績來講唔算特別標青，但勝在紅魔具備難得的士氣，因此相信能再下一城。
對車仔來講，對住曼聯嘅和波係一件好事，起碼唔使拉開分數上的差距。今場作客保頓唔易應付，但車仔唔同阿仙奴，唔會俾保頓的踢法剋住，而車仔連續兩場無贏過，個人估呢場，大勝保頓嘅機會可能幾高。
謝利
立博亞洲區首席博彩顧問
電郵：[email protected]