隨着兩名被告因襲擊男童岑浩賢（賢仔）被定罪，有關案件「已到尾聲」，但賢仔的一生，卻由遇襲當日起產生變化。專業註冊臨床心理學家羅志華指出，雖然從過去報道看到賢仔在遇襲後表現堅強，但內心仍可能受到很深的創傷，心理傷口需要長時間才能癒合。
羅志華說：「佢咁細個就遇襲，呢道傷痕好深吓，加上襲擊佢嘅係後母，親生阿媽又唔要佢，佢會覺得冇母愛，如果處理得唔好，佢可能會變得唔信女人，部份個案日後會成為施虐者。」對於有報道指，遇襲後賢仔的情緒起伏很大，羅稱他可能患有潛在情緒問題，需接受心理輔導。
他又說，傳媒廣泛報道該遇襲事件，或會成為賢仔的烙印，日後被標籤為弱者，他認為：「可以同佢一齊睇報章點報道成件事，同佢做定心理準備，但唔使成日刻意提住，順其自然就得。」
新聞資訊研究組