賭王何鴻燊兒子何猷龍獲選為2006年十大傑出青年，前晚他拖實性感大露背的太太羅秀茵，在灣仔會展領獎。何猷龍坦言成功全靠有賢內助，他說：「得獎當然好開心，最緊要我有個好太太，做我背後嘅女人。」
賭王撐場
賭王現身撐場並大讚乖仔說：「佢好謙厚、好勤力，（得獎）呢件事係我今年好有意思嘅禮物，不過做接班人仲需要一段長時間。」兒子指太太最重要，賭王大表贊同說：「呢樣我好鼓勵佢，佢份人好專一，我教佢枋榔樹一條心㗎。」記者指賭王自己也做不到，他笑笑口說：「我逐個嚟，最緊要怕老婆，怕老婆會發達，我都怕㗎，佢哋好惡，我屋企有三隻老虎乸！」
採訪：GeneNg
攝影：MatthewLam
