日本女星廣末涼子早前被傳同模特兒丈夫岡澤高宏半夜吵大鑊，仲有意離婚，不過新一期日本雜誌《女性Seven》就訪問咗廣末，佢否認同老公嗌大交，同時冇諗過離婚，佢仲解釋老公近排因為要籌備個人展覽會，所以埋首工作，廣末為咗唔影響老公所以同囝囝去咗妹妹屋企暫住，老公得閒都會去探吓個仔。廣末仲話有意同老公生多一個嚟陪個仔玩㖭。