黎姿和呂良偉昨日到番禺為某商舖樓盤擔任剪綵嘉賓，吸引了數百圍觀者包圍整條街，十分誇張。自從《金枝慾孽》成功打入內地市場後，黎姿密密有工作，她說：「真係好開心，之前我套《胭脂水粉》喺上海播完成為收視冠軍，即刻就多咗北京、上海嘅工作，所以我都想儲多啲錢買層樓。」
呻《破軍》霸道
黎姿笑言現時弟弟自立門戶做皮膚美容，由於生意不絕，故家人也勸她放棄事業，她說：「家人就叫我唔好做，但係𠵱家工作係我嘅原動力，而且令到我好有滿足感。」
此外，呂良偉近日忙於拍攝內地電視劇及電影《破軍》，但昨日他就投訴《破》片霸住他的檔期，他說：「之前有五日期返香港拍《破軍》，點知只係拍咗一日，唔要啲期就出聲，因為我大陸套劇好趕，但我哋冇鬧交，我全力支持葉偉信同甄子丹，只係覺得拍得太慢。」
採訪、攝影：曾小嘉