利豐集團今年已經百歲高齡，主席馮國經（圖左）及董事總經理馮國綸（右）當然要帶頭賀一賀，噚日集團就搞咗個一百周年誌慶酒會，特首煲呔曾（中）都畀面出席呢個老字號集團。而喺呢個咁特別嘅日子，集團就搵咗樣有意義嘅事嚟紀念吓，就係利豐慈善基金撥款1億港銀，每年資助香港及內地100名大學本科生出外深造一年，而攞到獎學金嘅得主仲會有「馮氏學者」嘅名銜。