周中盃賽場合，宜以戰意秤先；其中周二意大利盃16強次回合賽事，AC米蘭首回合已領先兩球，次回合沒有再贏必要，布雷西亞主場和波率甚高，可博1:1和波收場。
AC米蘭近期個勢幾頹，大家都知，上周六幾經辛苦，先主場贏墨西拿1:0，叫做止吓血；難得今周中沒有歐冠盃，只有意大利盃，AC首回合已經領先4:2，睇嚟都安心畀班主力休息，希望今仗悶和對手出線。布雷西亞講真今次贏AC兩球先出線，機會有幾多，球員自己心知，不過布軍主場唔係差，聯賽7戰有3勝3和1負，今次都唔想係主場失威，一於博大家1:1和波收場啦。
英超嘅紐卡素，歐協盃之前已經3戰全勝出線，今次作客德甲嘅法蘭克福，純粹例行公事；𠵱家紐卡素聯賽都「未掂」，傷兵仍有一大籮；不過法蘭克福近期入波能力真係一般，近7場波，只有一場波入兩球以上，睇嚟法軍都係贏一粒收貨，博1:0波膽啦。
再追阿爾克馬爾大炒
最後揀埋荷甲嘅阿爾克馬爾大勝波膽，阿軍喺歐協盃真係贏開有條路，兩場都贏對手兩粒以上，今次主場贏埋利巴域，就肯定出線，而且阿軍出名唔留力，大炒五個一皮諗得過㗎。文：牽牛