周中英超開快車，利物浦、阿仙奴兵源不足下，隨時失分！我深信投資「讓球主客和」的「和局」、入球細為上佳之選！
計埋歐冠最後一輪小組賽、足協盃小組賽，英超球隊歇冬前平均要打8、9場波，苦了球迷，又苦了自己！除了車路士以外，又有邊隊波可以應付咁密嘅比賽呢？就算有兵力，如果我係領隊，我自然會叫球員留力，實力較高一隊，留力小勝一球當然係合理嘅賽果！
「和局」加「細」必勝
依據小弟以上嘅計算，我只對曼聯同車路士有信心，可以贏波。如果大家有睇紅魔車仔大戰，論狀態、戰意同球員水平，我認為佢哋周中贏波應該無問題。加上對手往績一般，愛華頓嘅狀態似乎下滑中，而保頓雖然技術性擊倒阿仙奴，不過足球係「格食格」，車仔係保頓殺手，保頓輸多贏少。但係，地獄賽程對兩隊嚟講係一個考驗，為保戰鬥力，策略會係小勝對手，所以我誠心推介「讓球主客和」「和局」、入球細！
周鵬
商業1台《球迷集中贏》主持
電郵：[email protected]