賣咗一段時間嘅恒基新樓土瓜灣翔龍灣，唔知係咪發展商想搞搞新意，近排個電視廣告同之前有少少唔同，不過網民對於呢首新歌似乎唔係好接受噃。
白水：「翔龍灣新廣告拍攝一般，首音樂唔好聽，詞又填得差，唱又麻麻，真係仲衰過大陸樓盤廣告!」
wwwdave：「呢個廣告真係無得頂，搵個西人出來，再搵個中國阿婆唱首唔知乜嘢歌，完全唔match，我仲以為係乜乜夜總會㖭。」
chumui211：「首歌勁難聽」
onlybh：「點解地產商會畀出個咁嘅廣告?」
smoothywip：「太冇品味了，難頂！」
oasis_oasis：「冇水咪喺廟街找個1manband嗰d阿叔作曲+填詞囉，嗰啲阿叔好勁，一個keyboard玩晒成首歌，見到佢係咁按functionkey之餘，個樣又好似好輕鬆咁，真係臥虎藏龍。」
wingwing514：「我今晚都睇咗，之前佢唔係咁㗎喎，好似係英文定唔知純音樂嘛，點解轉咗首中文歌？真係好怪，唱歌個女仔，把聲有啲老套，同埋聽唔到唱乜。」
伊路米：「發展商的marketingdept，可以摺埋。」
wingwing514：「我都係咁話，唔知邊個諗首咁嘅歌，間廣告公司可以炒得，但又無理由咁都畀佢出街。」
主題曲有彈冇讚
mysallyykw4179：「一向都覺得恒基嘅marketing比較差，我反而幾鍾意豫豐花園個廣告，雖然同個樓盤都係九唔搭八，但係畫面好靚，首歌好襯，美術方面無得頂！」
Anti-block：「長蟲灣可能想攻內陸客市場，個廣告啱大陸人口味嘛。」
ahwahk：「之前翔龍灣個廣告雖然9唔搭8，但純音樂都可以，但加埋呢首歌，真係頂唔順，賣緊大陸樓咩。」
wwwdave：「可能係四叔自己諗出嚟。」
purple/black：「係咪汪阿姐唱？真係好難頂呀！聽完有啲想死嘅感覺呀！不過睇落似攻內地客多喎！」
paulcwyuen：「搵個鬼妹拎住塊布飄飄吓唱首歌，就想人買樓？憑乜嘢先？係咪亞hawkins小姐住你隔離呀？」