「個小朋友只係佢唔識得點去處理哀傷，需要專業人士幫佢。」臨床心理學家葉妙妍表示，9歲女童擅自返回與父母生活的原居所，相信只為尋回昔日感覺：「佢可能未接受到家庭遭巨變，希望太婆（親人）照顧番佢，佢好掛住爸爸媽媽，好懷念以前嘅生活，所以返屋企希望搵返呢種感覺。」
她建議社工誘導女童透過畫圖畫及寫信，表達對家人關懷，「甚至可以同佢探吓住院嘅媽媽，都可以幫到佢紓發情感。」
香港心理學會心理學家潘麥瑞雯則稱，社署一般會安排無親友照顧的兒童入住寄養家庭、兒童之家或寄宿院舍：「寄養家庭最似一個正常家庭嘅模式，但有時都係講『人夾人緣』，只要個小朋友搵到個關心佢，佢又信任嘅人，問題唔係咁大。」
聖公會聖基道兒童院助理院長梁陳彩蓮稱，兒童入住家舍（兒童之家）難免感失落不安，兒童之家在小朋友入住前會與其家人及社工會面，了解其性格及起居習慣，並帶他參觀家舍，甚至鼓勵他帶平時玩開的公仔到家舍，但小朋友若有心出走實難避免。目前全港共有24個兒童之家。