謝安琪昨日宣布已懷孕三個月，並決定明年1月出新碟、開音樂會及結婚，然後靜待BB出世後，明年10月復出。未婚夫張繼聰則分頭行事，在另一地方舉行慶祝會，邀請各方好友出席，二人分別透露在3月時已秘密訂婚，並過着同居生活，一早有心理準備隨時做父母。
謝安琪（Kay）昨日由唱片公司高層與經理人代表陪同下，在尖沙嘴舉行記者會，宣布已懷有三個月身孕，不過未婚夫張繼聰沒有陪同出席，而是在尖沙嘴另一餐廳大宴好友，祝賀他快將成為爸爸。問阿Kay何不到餐廳與未婚夫一同接受祝賀，她說：「因為我之後有嘢做，而且今次除咗宣布我有BB之外，又會交代我日後嘅工作安排，都係分開搞好啲。」
仍未見肚
Kay雖已懷有三個月身孕，但身形暫時未變，昨日她非常開心地表示明年1月會推出一隻新曲加精選碟，然後在1月5日於展貿舉行一場暫別樂壇音樂會，便會休息半年，待BB出世後，明年10月才會再戰樂壇，而她的預產期在明年5月，其公司高層Duncan表示會全力支持阿Kay，相信她可以事業家庭兩者兼顧。
很多人都以為阿Kay是意外懷孕，阿Kay則解釋說：「其實今年3月13號，我生日嘅時候已經同張繼聰喺雙方屋企人見證下訂咗婚，亦都預備喺出年1月去外國簽字結婚，不過𠵱家有咗BB，所以會喺香港結婚同擺酒。」她更大讚未婚夫是一個好丈夫和好爸爸。
好友齊賀
至於張繼聰搞的慶祝會，到賀的好友包括王菀之、EO2與周國賢等，張繼聰說：「知道做爸爸之後好開心，其實我同阿Kay喺3月訂婚後，已經當佢係太太，已經一齊生活，雖然我哋拍拖只係兩年幾，但結婚同拍拖幾耐冇關係，我同佢一齊嘅時候已經認定佢係我嘅另一半，好多謝公司同屋企人嘅支持。」他更承諾會照顧阿Kay一生一世，一副非常幸福的模樣。
此外，鄭融前晚於大埔超級城出席活動，被問到謝安琪未婚懷孕，她稱看過報道，並登時大拍手掌，她說：「戥佢哋開心，無論點都好，身體健康，覺得佢陀住個肚出嚟唱歌仲有型，因為佢係一個好獨立嘅女仔，係一個實力歌手。」
採訪：胡比 攝影：陳順禎
