中東薄餅有好多款，除了經常食到的一塊塊點咖喱的齋餅之外，捲住肉餡的都好好食。早幾日朋友帶我去亞士厘道一家由印度人開的快餐店，我食咗中東式薄餅，真係好食到忍唔住要介紹畀大家。
呢度的中東式薄餅叫卡巴（Kebab），白色薄薄一塊，少少脆，裏面捲滿羊肉，羊肉冇羶味易入口，加些少芥末醬和生菜中和唔會覺得滯。不喜歡食羊肉的話，亦有其他款式，仲可以揀要小中大辣或唔辣，$50一個好似有啲貴，但其實物有所值，個卡巴用料十足，咬落啖啖肉，食半件已經夠飽，建議兩個人一人食半件，再Order個沙律就剛剛好。我和朋友點了田園沙律，有FetaCheese、車厘茄、橄欖、青椒、紅椒、生菜，全部蔬果都好新鮮，難得連容易有澀味的青椒和紅椒都好鮮甜。Kebab和沙律都有十種醬汁任君選擇，實滿足到你嘅口味。Ebeneezer's仲開到半夜，啱晒夜鬼。
記者：林思樂
Ebeneezer'sKebab（21140999）
地址：尖沙嘴亞士厘道32號地下
營業時間：星期日至四10am-3am；星期五、六10am-5am
知諸精：我百足咁多爪，話畀你知去邊度搵好嘢食！