鄭詩韻與施念慈前夫陳鴻業一年半情宣布結束！鄭詩韻昨日承認分手近三個月，她指大家事業心重，無暇拍拖，分手不涉及第三者，又維護男方，指他年多來修心養性。其實兩星期前本報拍到兩人在中環夜蒲，當晚天雨路滑，陳鴻業竟冷待穿高跟鞋的鄭詩韻，各行各路，分手早有迹象。
鄭詩韻與施念慈前夫陳鴻業拍拖年半，早前有報道指兩人下月結婚，女方一直未有承認，原來他們已暗地分手。鄭詩韻昨日接受電話訪問時直認分手說：「其實我哋分開咗兩、三個月，見報話我哋結婚嗰日，根本已經分開咗。」
陳鴻業與施念慈離婚，皆因男方偷食，莫非他故態復萌？鄭詩韻為對方講好話：「分手冇涉及第三者，佢同我一齊咁耐證明到佢唔係爛玩、爛蒲，我唔想大家抹黑佢。分手係我冇做好女朋友嘅責任，佢年半以來永遠係配合我嘅工作，晚晚買飯盒上我公司陪我食飯、等我收工，好遷就我，一個月陪我去十幾二十個公司活動、陪我同Pansy（何超瓊）旅行。」
夜蒲貌合神離
鄭詩韻續說：「相反我就冇法子陪番佢，我初時想佢叻啲，有自己事業，但佢為爹哋間公司，一年飛四、五次美國，根本見面嘅機會都冇，長此落去唔係辦法，試過抽時間拍拖都就唔到，長痛不如短痛，分手算。」她對戀情結束大表可惜說：「兩個互相鍾意嘅人workout唔到，係好可惜！」
其實兩人感情轉淡早有迹象，本報月中在中環dragon-i拍到兩人夜蒲，當時他們仍未宣布分手，但早已各行各路。當晚11時多，兩人夜蒲後齊齊離開，由於正下雨，其保母車司機取出雨傘準備為他們遮雨，但陳鴻業向司機示意不需上前，自顧自大步走近座駕，完全沒有理會身後的鄭詩韻。由於天雨路滑，穿短裙高跟鞋的鄭詩韻惟有小心翼翼獨自上車。
施念慈與陳鴻業前年7月宣布離婚後兩個月，男方即全力追求中信泰富主席榮智健姪女榮文蔚的表妹鄭詩韻，去年5月兩人公開承認熱戀，鄭詩韻當時表示已見過雙方家長，大晒恩愛，可惜戀情維持不到兩年便告終。
採訪、攝影：DebbieLum、娛樂突發組
