葉翠翠、模特兒周倩圯昨日在中環為澳洲珠寶JanLogan行騷，葉翠翠演繹多套以黑珍珠、美鑽為主題的首飾。過往葉翠翠與李逸朗曾被踢爆感情事，還被拍到齊齊逛街的照片，但昨日她出席活動時無端自爆將緋聞男友李逸朗身份降格，她說：「我𠵱家同佢係普通朋友，佢嘅事我唔清楚㗎。」
只作電話聯絡
葉翠翠續說：「我哋冇食飯去街㗎喇，電話聯絡囉，因為我有啲工作，佢始終喺圈內經驗多啲，我會請教佢。」
葉翠翠入行以來，身邊只出現過李逸朗，故她直言沒有追求者，葉翠翠說：「我選港姐後一直冇乜收過花，冇人追我，可能因為我個人低調啦。」
葉翠翠還透露現正忙於搵錢搬新屋，她說：「我想搵間近將軍澳、方便返TVB嘅樓，我想儲夠一半錢先買，供樓時冇咁辛苦。」又表示對珠寶設計甚有興趣。
此外，JanLogan今年找來澳洲女星RachelTaylor作靈感女神及拍攝07年新廣告。
採訪：GeneNg 攝影：DickyChan
