在香港，每七個人有兩人有上網寫blog（網誌）的習慣；在這200萬名blogger（網誌主人）當中，又有14萬人每周寫blog或睇blog超過10小時。Blogger以25歲以下的年輕人及女性佔大多數，大部份人都是為了與親友分享生活片段而寫blog。
今日你blog咗未？ 記者：蔡元貴 麥志榮
以前一人一本日記簿，臨睡前床頭上月光下用筆用紙抒發少女心事的時代，好像已經終結了。當今香港新世代，已是一人一部電腦，書房內彩芒前用鍵盤用滑鼠記錄自己的近況。微軟在線服務集團兩月前的調查顯示，香港有200萬人擁有自己的網誌。
星洲博客冠亞洲
該項調查訪問了亞洲七個國家或地區合共2.5萬名網民，包括約1100名香港網民。雖然香港網民中blogger比率多達56%，但在亞洲並不算很高。全亞洲最流行寫blog的國家是新加坡（68%），其次是韓國（65%），台灣也有59%。微軟在線服務集團香港區主管朱會泳指出，寫blog風氣在香港仍在發展階段，尚未成熟，目前的blogger的人數，高處未算高。
電腦用途，男女有別。男生多數沉迷打機，女生則每多分享生活。本港的blogger，有62%是女性。朱會泳說，大概是女性較愛與人傾訴心事：「男仔通常硬淨啲，有嘢都收收埋埋，唔會同人講。」
寫blog跟寫日記不同，blog是公開的，也因此，透過網誌世界，網絡上每一角落的人都可以維繫感情。調查顯示，最多人開始寫blog時是為了與親友分享日記與生活照片，56%網友睇blog是為了想知道親友的近況。
「blog已經唔係一本網上日記簿咁簡單，仲可以兼具討論區嘅功能。」萬維網專業人員協會政策小組主席林永君說，年輕人已經把blog視為一種不可或缺的溝通工具：「blog就等於上一代人嘅電話號碼，係身份嘅記號，萬萬不能隨便改動，因為只要你留低用開嘅電話號碼，好耐冇見嘅朋友都可以搵得番你。同樣道理，𠵱家嘅年輕人一定要擁有一個blog，用來維繫朋友。」
寫blog已成為年輕人的普遍溝通方式，58%香港blogger年齡在25歲以下，25至34歲有34%，但35歲或以上的則只有8%。長此下去，網誌會否完全取代日記簿？次文化堂社長彭志銘則表示不會：「好多人寫blog係為咗吹噓，而唔係記錄真正嘅心事；好多人根本唔想俾人知道自己嘅心事，相信佢哋會用日記簿抒發。」
