許志安前晚以主禮嘉賓身份出席沙田節亮燈晚會，對於好友黃丹儀跟陳輝虹閃電結婚，安仔話唔覺得愕然，問佢會送乜嘢禮物畀一對新人，安仔笑住話：「佢哋一個做娛樂，一個彈琴，不如送個show，籌款義唱搵我啦。」安仔嘅好友蘇永康曾經同黃丹儀傳緋聞，問到蘇永康知道件事未，安仔話：「佢應該唔知，因為佢喺內地做嘢，我會打畀佢同佢講。」