以3D靚女做賣點，細緻程度對比起上集大幅提升，包括身形、頭髮、皮膚，以至面部表情同動作都做得非常真實，比起上集只有着住泳裝，今集就勁好多，因為在3D技術上，要表現出T恤搖晃，的確好高難度，呢個新技術可以令角色更像真！更睇得人流口水。配襯服飾方面，今集遊戲裏面提供超過300套泳衣、176種飾物同禮品，等你可以幫佢扮到靚一靚嚟滿足你個人喜好。
對比上一集，最明顯嘅係作為遊戲主要場地嘅札克島面積大幅增加，迷你遊戲包括「滑水」、「水上扯大攬」、「跳浮板」、「沙灘搶旗」同埋「屁股相撲」，而居住嘅酒店亦由原本嘅一幢變成三幢。
值得一提係新增嘅拍攝功能，影完相可以儲存入硬碟或者打印，有一點令我強烈不滿係唔可以控制畫面ZoominZoomout，無得局部放大嚟睇。
文：周達之
《DOA2》究竟點玩？
有玩過一代，今次《DOA2》就唔會難倒你，基本玩法都係要玩家入場打排球，贏取賽事獲得金錢，有咗錢自然可以「身痕」，使錢地方當然係用喺美女身上，可以買泳衣同好多小禮物畀佢哋，𠱁佢歡心，終極目標係所有美女都穿起所送泳衣，再拍照珍藏。今集更加入Mini-Games小遊戲，追女同時都可以有更多娛樂喇！
機種：XBOX360
出版商：MicrosoftGameStudios
開發商：Tecmo
類型：Sports
遊戲語言：中、英文字幕，日語發音
人數：1人
查詢：XBOX（800964215）