呢個世界，咩都講宣傳講包裝，出新車唔搞搞Gimmick點夠人爭？好似日產TIIDA咁，上個月一推出咗架HatchbackSport賽車版後，一輪宣傳做到家陣都未停過；講到最出位Promotion，首推剛完結嗰個宣傳活動，代理特別請嚟兩位性感賽車女郎，連同一身Racing拉花Look嘅TIIDA，巡迴到中環蘭桂坊、旺角登打士街、尖沙嘴寶勒巷、赤柱正灘、石澳海灘停車場及大浪灣等多個旺區任人影相，有靚女又有型車，由朝遊到晚，沿途梗係吸引咗不少途人、車迷喪昅兼喪影，收視率咁高，呢個宣傳都算成功啦！
記者：黃婉冰