環保先鋒：最新風能電動車
叉電一味靠吹

太陽能電動車、充電式電動車，無錯，唔使入油係環保又慳錢，但如果萬一無太陽又或者無電源可以充電，咪又係無用！有設計師就深明此道，終於發明一架可以用三種方法充電的電動車，咁就算其中一瓣唔掂，都可以用另一個方法充電，方便又環保。記者：黃婉冰

靠風一樣叉到電

一般電動車只會採用太陽能或電池推動，但這部新發明的電動車則可以用三種不同方法叉電，分別是太陽能、電源同風力，車內裝有PhotovoltaicCell電池，不但可將太陽光轉化為電力儲存在電池內，不停循環叉電使用，除太陽能外，用家還可用普通電源叉電，甚至利用設在車尾的風葉接受風力，再將電池轉化為電力儲存在電池內，用完再叉，叉完又可以再用，就算行行吓無電都唔驚企喺度走唔郁！每架盛惠$30,208美金（約港幣$23.5萬），有埋2年保用，出年6月就上市，但只限200架，隨時有錢都未必買到。