每一年都有唔少熱愛唱歌嘅人希望透過參加歌唱比賽而加入樂壇，噚日何韻詩、謝安琪同黃貫中等去到將軍澳廣場出席「UMC音樂節」公開比賽支持一眾參賽者。阿詩話記得當年參加新秀前喺屋企練氣，於是日日不停原地跳，最終跳到木板都鬆埋。佢又話當時拎咗阿媽一件荷葉袖恤衫同喇叭褲着去參賽，佢大爆父母雖然為人師表，但係二人嘅衣着都非常時髦，簡直係學校入面嘅「麻辣教師」呀！
