陳冠希雖公開承認Vincy的正印女友地位，不論對傳媒或在自己的Blog內均不斷強調深愛對方，但口說專一，其花弗行徑卻依然未變，會否因與女友分隔兩地，始終心癮難耐？記者昨日就此事請教中文大學精神科學系教授李誠，他說：「其實專一嘅定義係乜嘢，可能個個都唔同，每個人嘅道德標準都唔一樣，可能喺個男仔心目中，同其他女仔出去或拖手都唔係問題。而且我哋都唔知佢同佢女朋友會唔會已經有共識，邊啲嘢可以接受，只要唔過火就得。另一方面，人好難避免有啲時候會需要一啲intimacy（親密）嘅感覺，但遠距離嘅戀情根本做唔到呢樣嘢，個男仔就惟有繼續同其他女仔來往，呢個都會係點解明明講話專一，但就繼續追女仔嘅原因之一。」