官恩娜（Ella）再次被雜誌拍到在吳卓羲（Ron）寓所過夜，昨日她承認確實有去男方屋企，又埋怨今年自己被盜取電話資料，以及發生強吻非禮事件後都要獨自面對，明顯不滿吳卓羲未有作出任何支持，並暗示兩人已分手，她說：「以後除咗工作，我唔會再同阿Ron見面。」
官恩娜多次被拍下到緋聞男友吳卓羲寓所過夜，不過卻次次例牌否認，昨日出版的《忽然1周》，再一次影到Ella周一（20日）在Ron家中逗留至中午時分才離開，鬼鬼祟祟由後門離開準備上的士，見有記者守候，她表現驚青，用手㩒實外套心口位置，懷疑內裏真空。
執走私物
Ella昨日錄影《學廚出更》，她回應緋聞時表現淡定，不過卻暗示和吳卓羲分手，她說：「我嗰日上去阿Ron屋企拎私人嘢，經已全部拎走晒，以後除咗工作，我唔會再同阿Ron見面，但仍然係朋友關係。」問到為何真空落樓，她說：「我都唔明點解咁寫。」
短訊聯絡
Ella聲稱事後有send短訊給阿Ron，記者問阿Ron有否回覆，Ella突然感觸地表示自己今年發生好多事，例如被盜取電話資料、被強吻非禮案，她說：「每次都係自己一條友面對，可能現代女性要自己應付，惟有喺過程中學識成長。」言下之意似指摘阿Ron未有以男友身份站出來支持她。
當Ella被問到可是後悔揀錯對象時，她即扁扁嘴說：「每一樣嘢發生都有原因，我會不斷學習，專注工作。」問她將來可會學識帶眼識人，她說：「細細個媽咪都有教。」
不過，就周刊拍得的照片看來，Ella當日只是拿了一個小手袋和小紙袋，完全沒有「執嘢走」的迹象，加上Ella已不止一次講過不再見阿Ron，未知今次是否只是聲東擊西的伎倆。
採訪、攝影：馬建華
