祖廸羅前晚以dunhill代言人身份出席在灣仔與30名VIP的晚宴，他克盡其職，先後與何超瓊、葉梁美蘭和何明懿等一班闊太影合照。其後移師到中環KeeClub的派對則事先張揚嚴禁拍照。
李桂蘭突圍合照
眾女來賓為吸引祖廸羅注意，「胸」群出動，中門大開的榮雪梅說：「我想畀佢見識吓香港同中國女人都可以咁靚！」派對上，李桂蘭成功突圍影合照兼攞簽名，她說成功有因：「其實我前日下午喺四季酒店食午飯時，遇到佢坐隔籬枱，佢好靚仔，睇到我暈咗咁滯！我咪上前話歡迎佢嚟香港，要求合照，佢好有風度話：『我食飯不方便，夜晚去派對再與你影。』然後幫我喺張餐紙上簽名，之後夜晚遇到佢都好大方同我影，不過一影完就有保安埋嚟叫我收機。」
不過凡事總有例外，廖碧欣自認不是祖廸羅fans，更指對方說：「唔靚仔喎！」
此外，鈴木仁前晚也經過KeeClub，未知是否誤以為大批傳媒是等候鈴木仁，有自由行旅客搶上前與他影合照，又乘機攬着他。
