Twins成員蔡卓妍（阿Sa）於今個月22日24歲生日，不過正日嗰日佢同媽咪及朋友去咗日本旅行，所以前晚佢至同歌迷於元朗八鄉舉行盆菜宴慶祝，fans為佢筵開20圍，題為「蔡府壽宴」，所以當阿Sa去到盆菜宴現場時都不禁笑話：「嘩，好似擺酒咁。」而前晚嘅dresscode係紅色，所以佢嘅fans都紛紛穿上紅衫，恍如一片紅海。
阿Sa到場笑話帶定10億嚟派，記者唔明佢講乜，原來佢帶咗喺日本買嘅魷魚做手信，每張上面都寫咗1億，合共10張即10億。佢話收到經理人Mani大利是、楊生嘅花做生日禮物，至於男友鄭中基送乜嘢禮物，佢就笑住話：「唔回應，緋聞唔講。」但佢之後一副冧樣話有收到短訊。