黑漆漆的戲院內，一束白光從放映室穿透而出，投射到大銀幕上，卻又幻化成五光十色。在影藝戲院那神秘的放映室內，操縱着那束白光的是50多歲的和叔，每天不管院內有多少個觀眾，他都殷實地拉好菲林，正襟危坐，從小窗中窺看大銀幕，引領觀眾遊歷於喜怒哀樂之間。
最捨不得一班常客
和叔從事放映員多年，對於何為好戲，和叔有自己一番見解。「好嘅電影係你睇完之後會有嘢諗、會回味，咁至好睇，好似舊年個套《燦爛人生》（TheBestOfYouth）就好好睇，因為人生嘅甜酸苦辣都可以睇到。」
基於工作，所有影藝放映的好戲和叔都可以免費欣賞，他形容在影藝上映的一般都是「好戲」，但有時他也會到其他戲院當觀眾，欣賞別人操刀放映的好戲。「劉德華嗰套《大隻佬》我都有睇，佢入面講到何為因果，係人生嘅大道理，都值得去睇。」隨着影藝結業，和叔可能會轉到銀都戲院工作，最捨不得是一班影藝常客，「呢度啲客好友善，有文化，唔會係爛仔，真係好難得。」