在感情上，郭晉安泊岸了，演藝事業也穩如泰山，但有趣的是，別忘記觀眾眼中儍儍的阿旺，其實拍過很多劇情類的電視劇。近三年，他紅了，卻彷彿走上搞笑不歸路。安仔說：「以前啲人睇郭晉安好沉靜，令我好傷心，笑吓得唔得呀？𠵱家唔係，自從《戇夫成龍》後，觀眾發覺原來我會令佢哋笑，觀眾想睇好多嘢，有時要令佢笑，有時要喊，有時要幽默，但《東方之珠》呢套劇，我係十八般武藝擺晒出嚟，晒冷㗎，仲要唱歌跳舞，但要讚監製唐基明，佢係一個好勤力、做事好嚴謹嘅監製，拍出嚟嘅效果好有味道。」
演同性戀者
安仔續說：「最近我仲拍咗套福音電影《恐懼森林》，同連凱做同性戀，話我有童年陰影，恐懼來自細個被侵犯，我聽到個題材即刻舉手去做。我又拍咗部內地電影《一個任務》，係講俠盜，有好多好紮實場面，同盧惠光打呀！最後打死佢，平時我覺得只有成龍至可以打死佢，我都打得死佢幾光榮呀！哈哈！」