郭晉安和佘詩曼緋聞傳出後的一個月，他和拍拖7年的女友歐倩怡閃電結婚，一度為大家帶來許多問號──漫長的拍拖旅程，為甚麼婚禮舉辦倉卒？
「我需要人照顧」
安仔解釋：「係拍完《阿旺新傳》後，我去內地拍《儍皇闖天下》，嘩，咳到出血呀。橫店好凍，自己病咗，又唔敢食西藥，驚散，夜晚返去同佢（歐倩怡）傾偈，話搵錢係咪咁重要呢？佢話都重要㗎，咁不如結婚啦好唔好？我需要人照顧，唔係有錢都冇命使。結婚戒指，我喺03年買㗎啦，有諗過去英國註冊，但規定去21日至可以簽紙，跟住又諗去一個島，但原來冇法律效力，如是者就忙到七彩，每年都對住隻戒指講，幾時結婚呢？今年屋企人都諗我哋係咪時候生BB？於是就幫我哋喺廸士尼搞婚禮。女仔最後係要有一張婚書嘅，我都要話畀人聽『佢係我老婆』，大家會更加信任對方，生BB就睇天意，都係時候嘅。」