【福州直擊】呂晶晶早前被本報拍得與林韋辰約會，她昨日與應屆亞姐亞軍孟玲和季軍韓燕等在福州出席酒家開幕剪綵，呂晶晶爆料指林韋辰已離婚。呂晶晶表示自己揀男友會很小心，她說：「我知佢（林韋辰）已經離咗婚，你哋放心，我唔會做第三者，我拍拖就好想結婚，唔會玩吓玩吓。不過我同阿辰𠵱家係啱傾嘅好朋友，大家得閒會食飯去街，要睇吓之後嘅發展，佢係我欣賞男士嘅類型。」
憶參選亞姐落淚
眾亞姐昨日乘勢宣傳，呂晶晶回想在前年參選時的辛酸史，不禁落淚，她改以普通話說：「我參選時，最初爸爸很反對，參選期間又綵排，又不夠睡眠，又要應付傳媒，太辛苦了，中段曾想過要退選，我在香港又沒有朋友，最後幸得家人支持，加上自己堅持，最終都獲選，我可以講的是參選亞姐是沒有內幕的。」
採訪、攝影：曾小嘉