超級𠝹女王陳冠希（Edison）上月才公開承認與商人楊受成姪女Vincy拍拖，揚言戀情有機會longterm發展，又屢在個人blog內留言晒甜蜜。表面上他似乎已修心養性，實情正印女友在美國留學的他，繼續做其情場野馬四處留情，日前更拖長髮少女到中環太平館撐枱腳，中途被記者撞破好事，Edison即面露兇相，女方則驚青速逃。
陳冠希入行7年，恃靚仔及有錢等優質條件縱橫情場，與他扯上關係的緋聞女伴數目多如恒河沙數，直至上月Edison終首次承認與商人楊受成的18歲姪女楊永晴（Vincy）拍拖，口口聲聲說「呢個係好有機會longterm」及「總之我好愛我女朋友」，但他近日卻繼續四處留情，明顯言行不一。要徹底臣服這位超級𠝹女王，恐怕正印Vincy仍須努力。
女伴霸枱等開餐
由於女友Vincy正身在美國留學，留港的Edison不甘寂寞，瞬間已回復花弗本性，密密拖女消遣。上周一晚，Edison便偕長髮新歡到中環太平館餐廳共晉晚餐，偷偷煙韌撐枱腳。
當晚近8時，一身牛記笠記的Edison先偕這名20歲出頭的長髮少女，現身士丹利街EliteMultiMedia電腦公司，有大客仔Edison駕到，該公司幾乎總動員出動硬銷，眼看Edison威風八面地掃貨，站在一旁的長髮女伴也自滿地笑不停，但她逗留約10分鐘便先行離開，獨自往隔壁的太平館開枱霸位。
該名長髮少女進入太平館即坐進卡位，靜候Edison出現。現場所見，該少女其貌不揚，面圓圓，明顯有點哨牙，留有一把長直髮，衣着打扮和Vincy頗為相似。記者上前問她是否Edison的朋友時，她即以手遮面，尷尬笑說：「唔係太想答。」
撐枱腳一個半鐘
另一邊廂的Edison掃貨後，便手捧一部手提電腦離開，其間他向保母車司機冷冷喝問：「佢去咗邊度呀？」司機示意長髮少女在餐廳內後，Edison即匆匆會合對方開餐。
太平館是一間百年舊式餐廳，也是情侶開餐勝地，食物方面以瑞士雞翼最馳名，識飲識食的Edison和長髮少女撐枱腳一個半小時，兩人離場準備上車時，Edison見到記者出現即時黑面，長髮少女更避忌彈開，面露兇相的Edison對記者說：「你影夠未呀？人哋會驚吖嘛，呢個係我契妹，唔好以為執到金呀！」語畢他便面帶怒意上車，長髮少女則踩着摩打腳火速鬆人。
當街煲煙亂泊車
其實除了這位長髮女伴外，26歲的Edison自公開戀情後，過去一個月先後被踢爆搭上艷星黃立意（原名黃榕）和夜店Volar前訂位經理Rosanna，可見一張嘴說得專情的他，實在講一套做一套。
此外，早於拖長髮少女撐枱腳的前一天，本報又發現Edison曾坐保母車遊中環，自稱已戒煙的他不但當街煲煙，更在馬路違規停車，認真野性難馴。
採訪、攝影：娛樂突發組
