鄧萃雯同苗僑偉前晚喺灣仔拍攝電視劇《歲月風雲》，劇情講述飾演名媛嘅鄧萃雯同老公苗僑偉喺雨中搵愛女Toby，苗僑偉仲要落車換胎，又要求雯女原諒，因為雯女得悉佢有婚外情。 雯女話佢雖然喺戲中有個17、18歲嘅女，但由於佢係扮演名媛，所以造型都比較年輕，唔似另一套劇《師奶兵團》咁做一個好求其嘅師奶，佢仲要由30幾歲演到50幾歲。