天氣轉涼的日子用熱水洗澡，可增添身體溫暖兼保持個人衞生。左眼失明、百病纏身的林愛群婆婆，今季卻缺乏熱水爐煲水沖涼，連日來她咬緊牙關用凍水洗身，結果患上感冒。在無計可施下，林婆婆向本報求助，只盼有一部熱水爐過冬。
丈夫早逝 孤苦伶仃
記者探訪林婆婆期間，見她容顏憔悴、一面倦意，她歎道：「我試過用水煲煲熱水沖涼，但一隻手唔夠力，就算用兩隻手拎住個煲都好牙煙，我惟有用凍水洗身，結果冷親，睇醫生食咗幾日藥。」
獨居的林婆婆說：「我有糖尿病、心臟病、血壓高、骨質疏鬆，五年前曾經中風，之後右邊手腳冇力，三年前更加因為糖尿上眼同青光眼，搞到左眼失明。𠵱家加埋啲感冒藥，我每日要食七、八種藥，食藥都食到冇晒胃口！」
64歲的林婆婆，年輕時曾任職紗廠女工及清潔工人，收入僅足餬口，其夫早年因食道癌病逝，夫婦膝下無兒無女。晚年孤苦伶仃的林婆婆黯然語：「我都幾十歲，如果有仔有女，𠵱家已經享緊兒女福囉！」
林婆婆原居於長沙灣幸福邨，半年前獲房屋署安排遷往重建後新落成的觀塘秀茂坪邨。搬屋時添置的家具電器，全靠社工及鄰居轉贈，惟目前仍欠缺一部熱水爐使用，「我食綜援嘅，邊有能力買電器？𠵱家仲未有熱水爐用，天氣又愈嚟愈凍，都唔知點算！」
在基督教家庭服務中心的社工轉介下，林婆婆近日向本報求助，蘋果日報慈善基金了解她的苦況，現安排撥款購買一個新熱水爐給她使用。
捐款編號：C2222