施念慈（右）同才女深雪，噚日出席喺炮台山嘅BeautyForever美容院開幕，施念慈話自己閒來鍾意做spa保養，又透露除咗寫書外，最近搞咗間公關公司。 施念慈話：「因為想減低成本，所以只係好小型嘅公司，其實做咗半年啦，叫做有小小成績，啲客會介紹客畀我，所以我諗住繼續做落去，有時碰到啲客投訴，我會檢討睇吓點做好啲，唔係咁容易做㗎！」