李彩華（Rain）昨日以性感聖誕女郎look現身一個聖誕活動，本應很搶鏡，但仍不敵大會安排的三點式女郎。深明搶鏡之道的阿Rain即時來一招不經意洩春光，成功搶鏡。
李彩華昨日身穿低胸連身短裙，以性感聖誕女郎打扮宣傳大埔超級城的「芬蘭聖杉木村」，介紹當地的浸浴。雖然經過悉心打扮，但仍不及大會安排的三點式芬蘭少女吸引。在娛樂圈浸淫多年的阿Rain自然明白搶鏡之道，當她與兩位小妹妹坐在梳化上拍照時，即不經意地露出白底，若隱若現，即時成為焦點。
抗拒鴛鴦浴
問到阿Rain為何不與芬蘭少女齊齊穿上三點式？她笑說：「芬蘭少女唔怕凍嘛！」談到浸浴，阿Rain表示不介意與同性赤裸相對浸溫泉，但就補充說：「女仔同女仔浸都有啲尷尬，對眼都唔知望邊度好，同男仔浸就一定唔得囉。」問到如果與男友浸鴛鴦浴又如何？她即反應甚大說：「男朋友就梗係唔得啦，容乜易俾人錄低㗎！如果係老公都可能會，死得都值啲呀，起碼有張紙（指結婚證書）先，男朋友就乜都冇。」阿Rain自認是保守派，就連同居也不能接受，她笑說：「學老人家話，女仔人家唔可以亂嚟！」
此外，阿Rain前晚身穿萬多元的AnneValerieHash晚裝出席中環連卡佛的活動，對於早前有雜誌指前男友蕭定一與吳文忻秘密撻着，阿Rain說：「唔知，之前唔喺香港，返咗內地做宣傳。」
採訪、攝影：胡比
