世界黐線了，甚麼也要薄。
我們認為只有三種東西一定要薄才好：鹹片薄格、衞生巾和電視，這些東西最貼身，影響每分每秒的情緒。
而LCD電視的問題，是減薄後的畫面質素，就如薄格鹹片要AV女夠靚，衞生巾就鬥吸水；總有另一個賣點，才夠Utility。用LCD來看碧咸射球時，足球有一條白色的長帶，令碧咸好像學了天殘腳，腳腳有古怪；再來一輪插花扭波，殘留影像令碧咸似有八隻腳。
用AQUOS看，好得多，沒有眼花花，碧咸變回兩隻跑步，白色足球很清楚，碧咸原來唔識功夫。
記者：伍旋卓
看完AQUOS測試後，在場人士你眼望我眼，個個都想買。
不買，大部份原因是家人反對。不能怪他們，因為買東西需要一個標準，所以我會教你怎樣𠱁家人，先剪下右側的圖，讓你家人一睹AQUOSG7慳位的效果。再加多句：「我唔會掛住睇波唔陪你㗎，我向燈發誓唔會用嚟睇鹹片㗎（所以要熄燈睇）……」
仲有，要講AQUOS薄，而且畫面靚，兩者要混為一談；正如薄格AV鹹片，女主角不美，根本沒有人願意去花錢。
你又不要讓家人看廣告資料，因為他們不會明白甚麼是對比增強技術……高速反應時間……。總之簡單一句：「好清楚㗎，連女明星心口粒痣都睇到，睇人整容位最啱喇。」
仲唔心動？
沒有LCD的殘餘傳統
順便解釋一下，殘餘影像是LCD電視的死症，播放高速運動節目或動作片，就有嚴重殘留，所以大多DEMO都是影住三點式靚女，一來唔會露出破綻，二來令你分心嘛。
G7有了QuickShoot功能，畫面連續以4毫秒速度運作，使AQUOS更薄、更清，不過要發揚，需要標準。紙夠薄了，但沒有人會開記者會：「各位，呢張紙好薄㗎。」
所以Sharp很笨，在酒店介紹超薄AQUOS，應該去小型示範單位，人迫人，記者會說：「嘩，有AQUOS，地方好見用。」
同阿媽講：不是最勁 但夠用
家人會問：「這樣說，G7很勁嗎？」不是。它只是足夠騙倒人類的眼睛。
你又要補充，Sharp認為這樣就夠了，太多無謂功能反而會令機價太貴，打不入一般家庭，因為富人住大屋，怎會買薄LCD呢，其實AQUOSG7有很多增強畫面的功能，例如：OPC、QuickShoot、DNR數碼抑噪、3D-Y/C數碼梳型濾波器、太複雜了，一般電視節目根本用不着，但有總好過無。阿媽，$35,800，以這個價位，算便宜了。
行Ikea就知佢好
家人還未決定，好，出撒手鐧，帶家人行Ikea的100平方呎示範單位，當他們問：「點解我屋企唔得咁靚嘅？」
你就要快快一句：「留意一下，他們的單位是沒有電視機，就算有，只是一部14吋電視仔或LCD電視。明白了嗎？聽講有隔籬影音店有48個月免息分期喎。」
祝你明天下班後回到家中，吃飯看AQUOSG7。
G7系列總共推出咗52"以及46"兩隻Size，係人都話：「大部好，逼真啲喎！」始終香港地少人多，住幾大間屋，咪用幾大部電視囉！張梳化同部52"電視距離唔夠兩米，莫講話睇得辛苦，近視都會快啲；況且唔同尺寸嘅電視係專為唔同距離而設，你行近啲、行遠啲去睇，效果都唔同，咪夾硬喺間屋仔放部大電視，諗住豪啲威啲喎，睇完一排盞得不償失！
記者：陳國輝
攝影：陳陶鈞
高解像 為將來打點
停產嗰部45"AQUOS機王，當年紅透半條西洋菜街，幾貴都有人爭住話：「買！」實情嗰時好多嘢仲未對應到，邊似得𠵱家，個個禮拜都話出Blu-Ray、HD-DVD碟咁多選擇？近呢個月，就連Pan記、東記、JVC都晒自己有FULLHD1080P技術，唔使裝假狗行Upscale，擺明踩場撼SHARP啦！用家多咗幾隻牌子可以揀，當然飲得杯落，但係SHARP呢次終於冇得反擊，惟有承認解像度已到極限；不過有一樣嘢抵讚，G7後面裝咗兩組HDMI，一組預咗畀你駁高清影碟機，另一組任你搭其他嘢，計我話高清DV又好、XB360又好、甚至乎PS3都好，反正未來方向一定走高清路線，電視台拖咗咁耐，都「承諾」07年播高清節目，喂，買定部高清錄影機都啱喎！
PROFILE
型號：LC-52G7H/LC-46G7H
解像度：1,920×1,080
亮度：450cd/m
對比：10,000：1
反應時間：4毫秒
端子：兩組HDMI
體積：1,264×949×360/1,128×853×360mm
重量：43/37kg
售價：$59,800（52"）/$35,800（46"）
SHARP（28229435）