廖碧兒噚日去旺角出席商場亮燈儀式，更即場大展舞技，不過一講到緋聞男友陳豪，碧兒竟然語無倫次。記者笑佢同陳豪發展地下情，碧兒竟然口快快直認係，其實佢根本唔明白問題嘅意思，惟有死撐話記者用馬來西亞話講嘢。提到陳豪細屋搬大屋，碧兒就話唔知，仲話對方冇邀請佢送「入屋」禮物。明明應該係入伙，但碧兒就講成入屋，唔通佢好想入埋陳豪間屋？
