荷李活型男祖廸羅昨低調抵港，準備出席今日在中環舉行的宣傳活動。外表親民的他，原來早向大會公關要求保密行程，故昨日大會雖安排多名保安人員在機場保護他，但並沒有fans接機。盛傳他更拒絕在活動期間與來賓合照，惹來一眾名媛反感，何超儀、馬詩慧及葉梁美蘭等雖有幸與型男共膳，但卻同聲表示對他不感興趣。
英國型男祖廸羅（JudeLaw）昨日首度訪港，出席今日舉行的英國名牌Dunhill活動。有消息指祖廸羅早年在日本出席宣傳活動，被大批日本名媛太太包圍合照，令他頗有微言，盛傳他今次來港前，曾強調「布景板」活動可免則免，不知是否這嚴禁來賓合照及索取簽名的要求引起反感，祖廸羅雖曾兩度提名奧斯卡，又是首次訪港，但一班有份與他出席今晚限額30人的VIP晚宴之名媛，如何超儀及葉梁美蘭等，均不約而同表示對他冇興趣。
保持矜持
「男女關係亂扣晒分」
有份出席晚宴的何超儀昨日接受電話訪問時，被問到可渴望見祖廸羅，她說：「我偶像係JohnnyDepp（尊尼狄普），唔係佢，不過聽晚都會去見吓佢，睇吓佢係唔係咁靚仔，如果真係，會將佢喺偶像排名升高啲，不過第一位𠵱然係JohnnyDepp。」
至於過去數年曾與多名星級設計師及明星合照的葉梁美蘭，則在電話中說：「我有老公㗎！放心，我會保持女性矜持，絕唔會做小fans。其實我最鍾意佢套《心計》，當時覺得佢好完美，係氣質型紳士，後來佢出咗好多負面新聞，男女關係亂晒，我都扣晒分。」
同樣有份出席VIP晚宴的名模馬詩慧說：「我覺得佢套《亂世情天》做得好，個樣就係型，但唔靚仔，我覺得我老公Michael（王敏德）靚仔啲。至於話佢唔想影合照，你叫佢放心啦，我唔係fans，唔係咁大興趣，如果佢想同我影，我都唔會抗拒。」
祖廸羅訪港，保安規格比早前蘇菲瑪素（SophieMarceau）來港時更嚴密，行程更全面保密，外間一直盛傳他今晨抵港，但實情他昨午已來港準備。昨午約2時半，祖廸羅乘搭英航航班抵港，約3時步出抵港大堂時，公關公司安排了五至六名保安人員，但因他沒有公開抵港時間，故現場沒有fans接機。
訪港三天
灣仔舉行神秘晚宴
便裝打扮的祖廸羅由助手陪同現身，全程笑容滿面，任影唔嬲，毫無荷李活巨星架子。之後他乘坐中環四季酒店接載客人的平治房車往酒店休息，但抵達酒店底層停車場後，遲遲未有下車，直至停車場落下大閘他才步出車外。其間有傳媒曾與保安人員發生言語衝突。
祖廸羅貴為英國名牌Dunhill有史以來第一個代言人，今次短暫來港三天，主要為出席品牌今日在中環太子大廈專門店舉行的40周年紀念活動，他也透露有興趣參觀維港。今天下午約4時，他會先到太子大廈專門店，與Dunhill行政總裁主持慶祝儀式，晚上則會與30名VIP在灣仔舉行私人晚宴，之後眾人將移師KeeClub舉行派對。
採訪、攝影：何永寧、梁錦雯
