阿仙奴周中辛辛苦苦先贏到漢堡，今次作客對住體力見稱嘅保頓，冇咩條件贏，保頓「讓球主客和」「主勝」要得過。
「兵工廠」表面上贏漢堡3:1，好似好輕鬆，不過都靠比賽末段兩個入球先贏波，球員都谷得幾盡；相反，保頓可以話阿仙奴近季剋星，近4季聯賽主場對阿仙奴已經未輸過。唔好睇少保頓「老嘢」多，佢哋唞唞埋埋博一場，經常有令人意外表現；保頓已經足足一個星期冇波打，體力一定贏晒，仲有安歷卡呢位叛將倒戈，博保頓不敗合理，「主勝」要得過。
曼聯同車路士兩支歐冠盃剛剛輸完嘅球隊，周日又喺聯賽碰頭。主場出擊嘅曼聯，輸俾些路廸就可以話欠運，又有沙夏呢個敗家仔；車路士輸畀雲達，就全世界指住摩連奴，又話佢打假波，又話佢「放水」畀雲達。
平手盤撐車路士
今場曼聯對車路士，擺明係「五五波」，平手盤曼聯低水；上季曼聯主場對車路士，曼聯係要讓平/半，今次變成平手盤，睇嚟莊家較看好車路士。以摩連奴性格，又點會連續作客輸兩次畀曼聯，平手盤我反而要車路士。
謝利
立博亞洲區首席博彩顧問
電郵：[email protected]