每年10至12月，一陣白松露菌風暴，總會由遙遠的意大利中北部，吹到嚟香港。你我出不起天價投菌王，但在超市見到現成的，總想買來一親香澤，卻擔心不懂烹調而暴殄天物。其實松露入饌，關鍵在以清淡食材配合，而且不宜煎煮，只用於調味，已十分迷人。
記者：劉昱蘭
攝影：陳偉強
示範：海景嘉福酒店海風餐廳馮麗華師傅（27312870）
白松露蛋白梳乎厘
需時︰20分鐘
材料：蛋白2隻、蛋黃1隻、忌廉/鮮奶各10毫升、巴馬臣芝士25克、白松露/牛油少許
做法：
1.在錫紙器皿上塗上牛油，打好蛋白，把2/3的蛋白倒進器皿內，放上蛋黃，再將餘下的蛋白放面。
２.把焗爐預熱至180至190℃後，放進已處理好的蛋，大約焗3至5分鐘左右。
３.其間煮滾忌廉、奶和芝士，放入攪拌機拌勻後上碟，再放上焗好的梳乎厘，刨白松露片鋪面即成。
白松露意大利麵
需時︰15分鐘
材料：意大利麵100克、鹽/水各適量、白松露少許、牛油5克、雞湯1湯勺、巴馬臣芝士10克
做法：鹽水煮意大利麵留用（一般家庭煮法，可根據包裝上的建議時間減1分鐘，預留時間給往後的步驟慢慢煮）。雞湯加入牛油滾起，即放上麵面，最後加入芝士，上碟後刨上白松露片即可。
南瓜松露意大利飯
需時︰20分鐘
材料：南瓜100克、雞湯1公升（分4份）、意大利飯100克、巴馬臣芝士10克、亁葱/洋葱/白松露橄欖油/橄欖油/白酒各少許、白松露少許
做法：
1.南瓜去皮切粒，亁葱、洋葱及白酒炒香南瓜後，以1份雞湯煮腍，用攪拌機打成茸至糊狀。
2.要用傳熱夠快夠平均的銅煲，以橄欖油炒香洋葱、亁葱及意大利飯。約1至2分鐘左右，師傅教要細心聽意大利飯傳出卜卜聲，即可加白酒。
3.其後的10多分鐘，分3次加入餘下的雞湯（每見收水便可加），中段要加入南瓜茸，後段加入芝士碎及白松露橄欖油，見飯變黏身即可刨上白松露片上碟。
鵝肝炒蛋配松露
需時︰8分鐘
材料：雞蛋3隻、鵝肝30克、白松露橄欖油/橄欖油/鹽各少許（可選擇是否加少許白松露片）
做法：
1.拂好雞蛋，隨意加入少許白松露橄欖油。
2.橄欖油燒熱平底鑊，鵝肝切粒後落鑊煎香，見面層略帶啡色便可，連煎出的鵝肝油與鵝肝一起，倒進雞蛋內，加鹽及白松露橄欖油調味。
3.再用橄欖油起鑊，一定要燒得夠紅，才放入鵝肝蛋，快手兜2秒變色即離開火源，以餘溫把蛋煎熟，蛋才夠滑不會老。
點食最正
成個FullCourse，應該先食啲Light啲嘅，如炒蛋和梳乎厘，淡淡的蛋味襯香菌就最絕。然後愛濃味的就食一類如南瓜芝士飯的Dish，但芝士絕不能多；愛淡味嘅簡單一個意大利麵，菌味就更突出。不過主菜味道的濃烈程度，只限去到牛仔骨味，海鮮太鮮反而只會嘥咗貴菌。
至於份量，松露菌咁貴，其實1個Dish加5克已經好夠，唔好以為愈多愈好。
去邊買︰
意大利專門店同大超市會有佢哋嘅芳蹤。要代訂新鮮白松露，可到city'super（$700/20g），或ilBelPaese（$3,500/100g）。其他產品見右圖。
訓練狗仔尋寶
售賣點︰
（a）city'super
銅鑼灣時代廣場B1層（25062888）
（b）ilBelPaese
灣仔皇后大道東25號地下（28042992）
（c）SogoFreshmart
銅鑼灣Sogo地庫2層（28338338）