坊間聽到，大世界開緊A隊回飛讓平/半，馬會好似開錯盤，畀個讓球主客和受讓半球畀你買下盤，夠晒筍；其實做得莊家，最唔希望個客長輸戒賭，而且開錯盤嘅陰謀論，多數都係賭仔為自己增強落注信念而買波嘅藉口，何況賭博有時要講值博率。
落飛一定掂冇根據
賭馬同賭波一樣，冇話臨場落飛一定贏，回飛一定輸；落注時都要睇自己可以承受幾大風險同值博率，即係畀全日馬膽，你提供一隻兩倍馬，馬迷希望你畀兩次起碼中一次先合格。
近排做緊套叫《賭場風雲》嘅電視劇，有「輸神」歐陽震華個大肚腩做賣點，加上近期股票市場牛氣冲天，賭味甚濃，食正條水，想收視率唔好都幾難；套戲前幾集先後講到玩撲克同俄羅斯輪盤都要講機會率（Probability），題材對一班賭徒都幾吸引。其實賭波都可以計數，未必要亂石投林，每隊波喺預設嘅賠率上，都有吸引價值，冇話長輸長贏，落飛一定掂更冇根據。
好似禮拜二歐冠盃，臨場落飛嘅大熱「主勝」同「客勝」些路廸、雅典AEK里昂同阿仙奴全得手，但細心看賠率全只得1.6-1.8倍，連一賠一都冇，對捧場客是否吸引呢？再看禮拜三冇人買嘅利記「主勝」冷到有3.45倍，[!9156]完再輸兩次都仲有賺，投注風險因人而異，買馬博位置（P）是否一定熱而穩呢？文：蘋果波神