多哥位於非洲西部，毗鄰加納、貝南、科特廸瓦等國家！沿海一帶屢次被歐洲人侵襲，更成為了販賣黑人奴隸既中心樞紐，又名奴隸海岸！
咦！沙灘有人踢波喎，扮路過先！龍門框歪晒嘅？原來係用樹幹搭出嚟，唔怪得門楣凹咗落去啦，好原始足球呀！雖然膚色有別，但一個足球，就建立起彼此友誼！全部人都冇鞋着，跑得仲快。
記得馬龍講過，多哥足球隊，綽號「雀鷹」，國家隊波衫都繡上雀鷹徽號！唔理咁多，整番吓雀鷹射球先！
馬龍係我喺多哥嘅老友，佢土生土長，喺酒店入面打工，個衰仔盞鬼講義氣，又講到英文，因為官方語言係法文，所以好少多哥人識英文！
月入1,000生活寫意
馬龍話佢嘅平均每月收入約1,000港銀，嘩！點生活呀？雖然，多哥同香港係兩個世界，好難相提並論，但眼見佢嘅生活簡簡單單，毋須求名逐利，又確係活得寫意喎！
馮嘉奇
碩士球員讀萬卷書，親身歷盡各國足球風情。