由丹尼爾基格（DanielCraig）主演嘅《新鐵金剛智破皇家賭場》（CasinoRoyale)，雖然係歷年英國開畫票房最高嘅鐵金剛電影，但都係今年度最多穿崩位嘅電影之一。到目前為止，已經俾一個電影網站發現咗12個穿崩位嘞，包括一幕007爬上飛機油缸嘅鏡頭，竟然穿崩睇到佢着住件白色特技衫，完全破壞晒007嘅瀟灑形象。