廖碧兒娶新抱，其愛犬Mac尋尋覓覓一年，終於揀到心中所愛Bailey，最近還結成夫婦，做了奶奶的廖碧兒計劃明年為愛犬擺喜酒大排筵席，更獲贈不少賀禮，她希望愛犬盡快傳宗接代，生個乖孫給她玩。
廖碧兒（Bernice）近年已經不停放消息，為她的至愛玩具貴婦狗Mac搵對象，一年後，Mac在狗海中看上Bailey，於是廖碧兒幫愛犬娶老婆。
早前Bernice為新婚愛犬影婚紗照，更定於明年擺喜酒，她說：「幫Mac搵咗成年，之前我仲一度以為佢係gay，見到其他狗都唔騷人，我最初見Bailey，我覺得Mac唔應該揀佢，又細粒又弱，毛色又唔靚，點知阿Mac淨係鍾意佢。」
賀禮湧上門
Bernice愛犬娶新抱的消息傳出後，有不少品牌紛紛向這對狗新人道賀，更送上不少精美賀禮，日前Bernice帶一對新婚玩具貴婦狗到尖沙嘴Coach，揀選新鮮運到的狗帶，給這對新婚小狗作定情信物。
Bernice說：「係，有好多人想贊助Mac同Bailey，之前影婚紗相都係贊助嘅。今次Coach送咗兩個新款狗袋畀Mac同Bailey，之前呢個品牌只係美國先有狗用品賣，香港店都係啱啱返貨，好啱佢兩個用。𠵱家好多名牌子都知道好多人當狗係寶，會推出唔少狗用品，配襯fashion，呢個狗袋最啱我帶佢兩個出街。」
採訪：楊潔雯 攝影：陳志嵐
化妝：Mancy＠BeautyTech
