向來有海鮮波之稱嘅利物浦，季初竟然殺出一條好路畀投注者：就係主場買佢贏，作客買對家！
「紅軍」主場贏波率高達83%，作客輸波率亦唔低，有成71%，呢條路仲好捉過百家樂，故此今場對曼城就更有信心。事關曼城同「紅軍」好相似，主場保持不敗，作客就到𠵱家都未開齋，仲平均每場失兩球以上。曼城作客利物浦往績明顯輸蝕，近9次訪晏菲路，曼城贏1次輸8次！利物浦喺歐冠盃已穩奪出線權，周中都照贏燕豪芬2:0，今場一於揀「讓球主客和」嘅「主勝」。
維拉必破「堡」W得
維拉自從由奧尼爾執掌後，令人眼前一亮。除主場保持不敗外，作客都係輸過1場，穩定性相當高。相反，米杜士堡季初淨係靠喺主場搵食，強如車仔到訪都要食悶棍輸波而回。不過，作客就未如理想，一場未贏過，連兩支「升班馬」錫菲聯同屈福特都要輸，認真信唔過！近年維拉主場對米堡成績唔錯，近10次錄得5勝3和2負。以維拉嘅狀態同鬥志，今場贏波問題不大，主客和揀主W，應該有利可圖。
阿鵬
有線球彩台主持
電郵：[email protected]