雖然話香港地少車又多，但大車依然勁受歡迎，但意大利就唔同喇，當地人最鍾意揸車仔，尤其是嗰啲兩門無尾款佢哋就最Buy；無法啦，鬼叫車仔攝位易咩，意大利人又鍾意將啲車通街攝，唔理三七廿一，見位就攝，都話之你嗰個究竟係唔係位，L位打橫泊唔落咩？「打戙」照攝可也，亦可能因為多人買，所以喺意大利買車愈細愈貴，閒閒哋買部兩門車仔都可以貴過部房車，問你死未？雖然係咁咋喎，但車仔依然不愁無Market，尤其是smartforwtwo，多到好似的士咁周街行，所以如果有機會去意大利，見到周街都係fortwo唔使咁驚訝，因為對意大利人嚟講，fortwo簡直係佢哋嘅代步車，就好似電視機咁，家家戶戶都梗有一部，好普遍㗎咋。
記者、攝影：黃婉冰
