【記者蔡志郁報道】「西藏三大聖湖之一嘅『羊卓雍湖』，好靚好清晰，簡直係人間仙境，令人覺得超塵脫俗、洗滌心靈……。」為迎接15周年紀念，助學團體「苗圃」明年將舉辦茶馬古道助學步行，由西雙版納步行到4,500公里外的拉薩，剛剛隻身探路回來的72歲活動籌委會主席楊坤，向記者訴說沿途飽覽人煙罕至卻震撼心靈的湖光山色。目前，已有最少三名本港市民，決定各帶旅費及籌款共逾10萬元，準備用三個月時間行畢全程。
200元資助一年學費
在本港從事金融工作的周家俊，前年底參加苗圃的助學長征行動，花了10個月從江西穿越10省101個縣，步行了7,500公里到達陝西。剛從雲南探訪小學回港的周家俊說：「我月初去咗雲南壽山縣元坪小學，見到一個細路女踎咗喺學校側邊嘅山坡上面，佢冇返過學，又唔識講普通話，連自己幾多歲都唔知，淨係知道自己屬牛。原來個細路女叫鄧國春，今年9歲，佢好想返學，但屋企冇錢，爸爸要佢去放牛。」
他續說：「我哋當時就好想幫佢，當地官員同校長喺我哋返咗嚟香港之後，同鄧國春個爸爸做咗『思想工作』，佢父母終於同意畀佢返學，但係冇錢交學費，結果我只係一年資助佢200蚊啫，個細路女𠵱家就返到學啦。」其實，「苗圃茶馬古道2007」旨在幫助雲南及西藏山區學童及改善當地的教育質素。
楊坤昨日表示，由明年4月至7月的助學步行分為10段，市民可分段參加。
